للمشاهدة والتحميل اضغط هنا
قصة فيلم The Beekeeper 2024
فيلم The Beekeeper 2024 (النحال) جيسون ستاثام: في قرية هادية في ولاية ماساتشوستس، كانت عايشة إلويز باركر، مدرسة على المعاش، عايشة لوحدها في بيتها الريفي، لكن كان في شخص دايمًا جنبها وبيساعدها، وهو آدم كلاي، راجل هادي وبيشتغل في تربية النحل، وكان مأجر جزء من حظيرتها علشان شغله. إلويز كانت بتدير مؤسسة خيرية، وعندها مدخرات كبيرة من عمرها كله. لكن في يوم، اتعرضت لعملية نصب ضخمة خلتها تخسر كل حاجة، حتى الفلوس اللي كانت بتدير بيها الجمعية. الحياة دمرت بالنسبة لها، ومقدرتش تستحمل الصدمة، فانتحرت. اللي لقى جثتها كان آدم، واتصدم من اللي حصل، لكنه اتفاجئ أكتر لما بنت إلويز، فيرونا، اللي شغالة في الـFBI، قبضت عليه واعتبرته مشتبه فيه في وفاة والدتها.
بس بعد شوية، اتحقق مع آدم واتبرأ من التهمة واتساب حر، وقرر إنه ينتقم بنفسه. بدأ يدور ورا الناس اللي ضحكوا على إلويز، وعلشان يعرف يوصل لهم، تواصل مع مجموعة غامضة اسمها “مربّي النحل” – وهي منظمة سرية بتساعد في الحالات اللي زي كده. ومن هنا بدأ رحلته في تعقّب المحتالين، لحد ما وصل لمركز اتصالات في سبرينغفيلد بيقوده ميكي غارنيت. آدم اقتحم المركز، ضمره، وضرب رجال ميكي، وبعدين حرق المكان بالكامل. وقتها بدأ ميكي يستوعب إن اللي بيطارده مش شخص عادي، لكن آدم كان مصمم يكمل. رجالة ميكي حاولوا يقتلوه، لكن هو واجههم في الحظيرة وقتلهم، وقطع صوابع ميكي كتحذير، وبعدها قتله بربطه في عربية وسحبها من فوق كوبري.
اللي فوق ميكي في السلسلة كان راجل اسمه ديريك دانفورث، عنده شركة تكنولوجيا كبيرة، ووراها بلاوي. ديريك استنجد بوالاس ويستويلد، مدير سابق في السي آي إيه، وكان مسئول عن الأمن عنده. والاس لما شاف اللي بيحصل، عرف إن آدم من منظمة “مربي النحل”، وبلغ المخابرات، اللي بدورها بعتت قاتلة محترفة اسمها أنيسيت علشان تخلص على آدم. لكن لما واجهته في محطة بنزين، انتهى بيهم الحال إنها اللي ماتت. وهنا، المنظمة أعلنت الحياد، وخرجت من اللعبة.
فيرونا وشريكها في التحقيق، وايلي، بدأوا يشكوا إن هدف آدم الجاي هو مركز تاني أكبر في بوسطن، اسمه ناين ستار، والمكان ده بيشرف على باقي مراكز النصب اللي شغال فيها ديريك. وقتها، والاس جاب فريق سري بقيادة بيتيس علشان يحمي المكان ويتخلص من آدم. لكن مع تداخل الشرطة الفيدرالية وفريق الـSWAT، حصلت فوضى، ودي كانت فرصة آدم علشان يقتحم المركز، يقتل رجال بيتيس، ويكمل رحلته. قدر يهرب من المكان بعد ما خد معلومات جديدة من المدير هناك.
بعد شوية، فيرونا عرفت إن ديريك ده مش شخص عادي، لكنه ابن رئيسة أمريكا نفسها، جيسيكا دانفورث، وبدأت تخاف إن آدم ينوي يخلص على جيسيكا كنوع من الانتقام. ديريك راح لقصر والدته الساحلي، وسط حماية مشددة من مرتزقة، لأنهم عارفين إن مربّي النحل مش بيقربوا من الناس اللي حوالي الرئيس. لكن آدم كان ذكي، وقدر يتسلل جوه القصر وقت حفلة، وقلب الدنيا هناك. قتل المرتزقة، وتعامل مع الحرس، ووصل لحد جيسيكا وديريك، اللي كان بيحاول يقتل أمه علشان تخبي على الناس إنه بيستخدم خوارزميات المخابرات علشان يزوّر الانتخابات. لكن قبل ما ينفذ تهديده، آدم وصل في اللحظة الأخيرة، وقتله برصاصة في دماغه.
وأول ما وصلت فيرونا، لقت آدم بيهرب، ووجهت له السلاح، لكن بدل ما تقبض عليه، قررت تسيبه يهرب. آدم شكرها بنظرة ومشي على الشط، وهناك كان مخبي أدوات غطس، لبسها ونزل البحر واختفى.
ابطال فيلم The Beekeeper 2024
جيسون ستاثام، وجوش هيتشيرسون، وجيرمي آيرونز، وإيمي ريفر لامبمان، وأمبير سيينا، وريزا دياكو، وتايلور جيمس، وآدم بازل، ومايكل إب، وبوبي نادري، وتشيلسي لي، وديريك سيو، وليام إدواردز، وأريان نِك، وجيسيكا ماريا جيلهولي. واخراج ديفيد آير.
