للمشاهدة والتحميل اضغط هنا
ملخص قصة فيلم السيستم 2024
فيلم السيستم 2024 كامل: من بطولة أحمد الفشاوي وطارق لطفي اتسمى كده لأنه مستوحى من كلمة “System” اللي معناها “النظام”، والاسم فعلاً بيعكس جزء من مضمون الفيلم. القصة بتحكي عن شاب اسمه وحيد، اللي معندوش أي خبرة مع البنات ولا عنده علاقات عاطفية، لدرجة إنه لما يحاول يكلم بنت بيحس بتنميل في إيديه ورجليه ومش قادر يكمل كلامه. بسبب ده، وحيد بيروح لدكتورة لعلاج حالته النفسية والاجتماعية، ويبدأ رحلة في محاولة تعلم كيفية التعامل مع البنات.
على الجانب التاني، فيه شخصية نقيضة تمامًا اسمها مصطفى الألفي، شاب واثق من نفسه و”باد بوي” بمعنى الكلمة، بيعرف يشقط كل البنات ويقضي وقته معاهم، فلوسه كتير ومش محتاج يشتغل، وبيصرف على علاقاته بشكل مستمر، كل أسبوع مع بنت جديدة. مصطفى عنده مساعد في البار اسمه حسن، اللي بيعرف كل أسرار البنات وبيساعده في معرفة ميولهم وأفكارهم واحتياجاتهم، عشان يقدر يشقطهم بسهولة.
وحيد بيبدأ رحلته مع العلاج، وأول حاجة بيحبها هي الدكتورة، لكنها تصدمه وتقول له إنها مخطوبة. بالصدفة، وحيد بيحضر فرح وهو من ضمن المعازيم، ومصطفى الألفي كمان موجود. واضح إن مصطفى بيشقط، وبيتعرف على وحيد ويكتشف مشكلته، فيبدأ يعلمه إزاي يتعامل مع البنات ويشقطهم خطوة خطوة. مصطفى بيصور وحيد وهو بيتكلم مع البنات، ويدي له ملاحظات لتصحيح أخطائه في المرات الجاية.
مع مرور الوقت، بعد سلسلة طويلة من المليطة والمشاهد اللي فيها علاقات عاطفية وليل وبنات، مصطفى الألفي يقع في حب بنت اسمها عيشة، وفي نفس الوقت وحيد بيبقى قادر يتعامل مع البنات ويشقط زيه، لكنه بيقع في حب واحدة اسمها فريدة. الفيلم بيوري إن مش كل البنات سهلة، وفيه رفض من بعض البنات مهما كان الولد شاطر ويعرف يشقط، وده بيخلي القصة أكتر واقعية في جانب العلاقات الاجتماعية.
في نهاية الأحداث، يحصل إن: مصطفى بيتفق مع عيشة وبيتجوزها. وحيد بيتفق مع فريدة إنهم يفضلوا أصحاب، ويستمروا في حياتهم بدون علاقة عاطفية مباشرة. القصة كلها مليانة مواقف تعليمية عن العلاقات بين الشباب والبنات، لكن في طريقة مبالغ فيها في عرض الشقط والمليطة، وده اللي بيخلي الفيلم مش مناسب لأي حد عايز يتفرج على حاجة هادية أو تعليمية حقيقية عن العلاقات.
بالنسبة للتحليل، الفيلم مأخوذ تقريبا من فيلم “البحث عن فضيحة” لعادل إمام وسمير صبري، لكن “السيستم” أقل رقيًا ومليان مواقف سطحية. مصطفى الألفي شخصيته زي شخصية سمير صبري في الفيلم القديم، شاطر مع البنات وبيستغل معرفته بيهم، لكن وحيد زي شخصية عادل إمام، نية طيبة لكن ضعيف في العلاقات. الفيلم بيوضح فرق واضح بين الولد اللي ما يعرفش يتعامل مع البنات والولد اللي بيقدر يشقطهم، وبيحاول يعلم المشاهد “النظام” ده بشكل مفصل، بحيث اللي بيتفرج ممكن ياخد خطوات عملية لو حابب يتعلم.
من ناحية التمثيل، أحمد الفشاوي وطارق لطفي قدموا أدوارهم بالطريقة المعتادة ليهم، من غير أي تطوير في الأداء. باقي الممثلين مثل بسنت شوقي ونسرين طافش لهم أدوار محدودة ومش مؤثرة بشكل كبير. القصة نفسها ضعيفة جدًا، الأحداث متكررة ومليانة مواقف غير واقعية، والموسيقى مش حلوة ومش بتضيف للفيلم أي قيمة.
في النهاية، الفيلم بيوري فكرة مش كويسة عن العلاقات والمجتمع، خصوصًا في طريقة التعامل مع البنات، لأنه بيخلي الولد الشاطر والمغامر هو البطل والولد الهادئ اللي ما يعرفش يتعامل هو الفاشل، وده بيعكس صورة سطحية ومختزلة عن الواقع. حتى لما مصطفى بيقبل إن وحيد يتعلم ويكون ناجح مع البنات، ده كله بيتم بطريقة مبالغ فيها وبسلاسة غير منطقية.
ابطال فيلم السيستم 2024
طارق لطفي (مصطفى الألفي)، أحمد الفيشاوي (وحيد)، نسرين طافش (عائشة)، بسنت شوقي (فريدة)، محمد علي رزق (حسن)، ميس حمدان (شيماء)، نهى عابدين (نورة)، رانيا منصور، يارا عزمي، أحمد فهيم (كمال رشدي)، راجية محمود، ورندة جبر.
