للمشاهدة والتحميل اضغط هنا
ملخص قصة فيلم تصبح على خير 2017: بطولة تامر حسني ونور
فيلم تصبح على خير 2017 تامر حسني ونور: بيبدأ مع حسام الخديوي، ملياردير عنده فلوس وشركات وممتلكات، لكن بيعاني من اكتئاب شديد بسبب إن مراته ما بتخلف، ورغم إصرار عيلته إنه يتجوز تاني، هو بيرفض وبيتمسك بيها. مع الوقت بيبدأ ياخد أدوية بتخليه يهلوس ويعيش في عالم تاني بعيد عن الواقع. في يوم وهو قاعد مكتئب، بيتصل بيه رقم غامض أكتر من مرة وما بيردش، لحد ما توصله رسالة مليانة إهانات وبتطلب منه يقابل المرسل في مكان معين. بيروح هناك، وبيلاقي بنت اسمها سجا بتعرض عليه مشروع موجود على فلاشة. بيطنشها في الأول، لكن بالليل بيقرر يشوف المحتوى وبيعرف إنه عبارة عن برنامج بيخليك تدخل أحلام حقيقية بتحس بيها كإنك عايشها، بشرط تستخدم بخاخ معين للدخول والخروج، وإنك لو موت جوه الحلم تموت في الحقيقة.
بيجرب حسام أول حلم وبيلاقي نفسه في حياة فقيرة وبيعشق بنت اسمها عايشة. الأحداث جوا الحلم بتكون مليانة مواقف خطيرة، لكنه بيصحى وهو مصدوم من الواقعية اللي حس بيها. بيرجع لسجا ويقترح يجرب أكتر من حلم قبل ما يمول المشروع. مع الوقت بيبدأ يشوف وجه عايشة في ملامح مراته، وده بيعمل توتر في علاقته بيها. فجأة سجا بتختفي، وحسام بيدخل في حالة غضب وهستيريا، لكن بترجع وتطلب منه فلوس أكتر وتعرض عليه حلم جديد.
في الحلم التاني بيلاقي نفسه في قارب في نص البحر وبيستلم تليفون من حد بيطلب منه يفتح شنط فيها مخدرات وفلوس، قبل ما يهاجموه ناس، فيضطر يستخدم البخاخ ويخرج من الحلم. بيطلب من سجا يرجعه لعالم عايشة لأنه بدأ يحبها بجد، وبيعرف إنها حامل. بيحاول يساعدها حتى لو كان الحلم خطر، وبيقرر يسرق شقة، لكنه بيكتشف إنها شقته في الحقيقة، والغريب إن صوره ممسوحه منها ومراته مش عارفاه. بياخد الفلوس ويديها لعيلة عايشة كمهر، وبيتجوزها جوا الحلم.
لكن فرحهم ما بيكملش، وصاحبه في الحلم بيخطف عايشة وبيطلب منه يسرق خزنة الشركة. بينجح في السرقة لكنه بيتصدم برصاصة تقتل عايشة قدامه، وبيعيش صدمة كبيرة رغم إنها مجرد حلم. بيروح لسجا يطلب يرجعها، لكنها بتقوله اللي بيموت في الحلم ما بيرجعش. بيحكي لأخوه ومراته عن كل اللي حصل، وبيروحوا لمكان سجا لكن بيكتشف إن كل الأوراق والعقود باسم حسام نفسه، وكإنه هو اللي صمم البرنامج. بيبدأ يصدق إنه فقد عقله.
في لحظة يأس، بيكتشف إن عايشة موجودة في الحقيقة وإن خالها هو صاحبه القديم اللي استغله في لعبة كبيرة. بيواجهه ويعرف منه مكان سجا. هناك، سجا بتعترف إنها كانت موظفة عنده وكشفت إن مراته بتسرقه، فاتفقت معاها على خطة عشان تحجر عليه وتخليه يظهر مجنون، باستخدام البخاخات والحبوب، وكل اللي عاشه ما كانش أحلام حقيقية، بل مواقف مدبرة.
حسام بيعمل خطة عكسية ويستغلهم، وفي النهاية بيطرد مراته بعد ما يعرف كل الحقيقة، وبيسيب كل حاجة ويروح لعايشة اللي بيلاقيها شغالة في محل لعب، وبيعترف لها بحبه، وبيحضنها، وبيخلص الفيلم على المشهد ده.
ابطال فيلم تصبح على خير 2017
تامر حسني في دور حسام الخديوي وجمال الآلي، ونور اللبنانية في دور عايدة، ودرة في دور عائشة وحنان، ومي عمر في دور سجى وندى، ومحمود البزاوي في دور عصام أبو نورا وصلاح عنبة، وعمر زهران في دور حسن الخديوي، وغادة فلفل في دور عزة وسامية، وسيد الطيب في دور ضياء زوج عزة، وأحمد فهيم في دور صاحب عصام، ومي فخري في دور المذيعة، وبدرية طلبة كضيفة شرف، ومحمد بكير في دور المأذون، وليلى نجاتي في دور عضو لجنة تحكيم ٣، وأيمن هلال في دور عضو لجنة تحكيم ٤، ولميس كان في دور فتاة الكبارية ١، وعبدالنبي السيد (إيتو) في دور البارمان، وإسراء مطر في دور سكرتيرة عايدة، وفاطمة كشري في دور صاحبة الكبارية، وأحمد برقوقة (برقوقة) في دور رجل الجمعية ١، وسارة محمد في دور فتاة الكبارية ٣، وأحمد الشرقاوي في دور الزبون المتكلم، ومحمد الشناوي في دور عضو لجنة تحكيم ٢، ونادية عبدالحميد في دور عضو لجنة تحكيم ١، وأحمد صابر في دور رجل الجمعية ٣، وندى كامل في دور صديقة ندى/سجى، وأدهم سامح في دور ابن سامية ٢، وفرج محمود في دور صاحب عصام ٢.
