للمشاهدة والتحميل اضغط هنا
ملخص مسلسل ابن النادي الحلقة 4 الرابعة كاملة
مسلسل ابن النادي الحلقة 4 الرابعة ماي سيما: تبدأ الحلقة الجديدة بعنوان “اتنين من نيجيريا” والجو كله لسه مكمل على نفس التوتر اللي خلصت عليه الحلقة اللي فاتت بنشوف عمر في البيت قاعد قدام البنت الصغيرة اللي نطقت وقالت له يا بابي وهو مش فاهم حاجة خالص بيبص لها ومخه بيغلي من الأسئلة ويمسك الموبايل يتصل بسارة علشان يعرف منها الحكاية لكن سارة ما بتردش عليه وتكتفي إنها تبعت له رسالة صوتية فيها صوتها وهي بتقول له إن مدة علاجها في المستشفى بعد العملية هتكون تلات أسابيع وإنها مش مطمنة تسيب البنت مع أي حد غير أبوها الجملة دي وقعت عليه زي الصاعقة لأنه مش متخيل نفسه أب ولا فاهم هي بتتكلم عن مين بالظبط اتعصب وقال بصوت عالي هو أنا أبوها إزاي دي نكتة جديدة ولا إيه وقعد جنب البنت وفتح الكاميرا الأمامية وبص فيها وقال لها ماما قالتلك إن أبوكي أنا صح؟ البنت قالت له بمنتهى البراءة أيوه ماما قالت كده فسألها وهو مش مصدق نفسه طيب وإنتي شايفة إني فعلاً أبوكي؟ ضحكت وقالت له لو جايه من النصب يبقى لا لكن لو جايه من النصيب يبقى أيوه عمر ساعتها اتنرفز وقال لها أنا مليش بنات فقالت له لأ ليك يا بابي أنا نور عمر أمين الشعلة ووقتها هو اتسمر مكانه مش قادر يرد
بعدها بشوية بنشوفهم في العربية هو والبنت رايحين عند رولا صاحبته أول ما وصلوا قال لها وهو نازل ما تقوليش يا بابي هناك علشان محدش يسمع ولما فتحت رولا الباب وشافتهم استغربت وقالت له مين دي يا عمر؟ فقال لها بسرعة دي بنت كان أبويا متبنيها من دار أيتام وأنا قلت أخدها عندي صدقة جارية على روحه لكن رولا ما صدقتش قوي وقالت له أنا ماليش دعوة بالموضوع ده يا عمر فرد عليها بجدية وقال لها وهتقهري يا تيم؟ قالت له ماشي يا عمر وخلاص وسابها ومشي
في النادي بقى كان أسامة الأعرج بيتكلم مع حارس المرمى اللي اسمه الحوت وسأله هو إيه اللي قعدك هنا ما مشيتش ليه مع اللعيبة اللي سابت النادي؟ الحوت قال له بمنتهى الفخر أنا عايز أدخل التاريخ عايز الناس تحكي قصة الحوت اللي فضل في نادي الشعلة لحد الآخر وبيحبه النادي مش علشان الفلوس لكن علشان الانتماء ساعتها دخل عمر وقال له خلص الكلام ده وتعال حصلني في الاجتماع
وفي الاجتماع بدأ عمر يقلب في جيوبه وطلع ورقة وسلمها لشريف وقال له دي أسماء اللعيبة اللي لازم نجيبهم في أسرع وقت لأن الأهلي كان عايز يضم شوقي كانفارو ولازم نسبقه وكمان في لاعب نيجيري في الدرجة التانية اسمه صامويل أرونا ده لعيب جامد جداً خلص معاه بسرعة وبلغني أول ما تظبط الصفقة بعد ما مشي أسامة بص لعمر وقال له مين كان بيسافر زمان يخلص الصفقات دي أيام والدك الله يرحمه؟ فقال له عبد الله إن الأستاذ كمال كان هو اللي بيعمل كده بس عمر بص للصيام وقال له المرة دي انت اللي هتسافر تضايق كمال وقال له ليه يعني أنا مش قدها؟ عمر قال له بهدوء ما ينفعش تسيبني لوحدي في الظروف دي وبعدين قال لصيام تعالى ورايا عايزك
طلعوا بره الاجتماع وصيام سأله بقلق قال له بنتك دي إيه حكايتها؟ قال له عمر أنا هعمل تحليل دي إن إيه أشوف الموضوع ده في إيه وبعدها ظهرت شيرين كده فجأة وقالت كلمتين ومشيت زي ما دخلت بالظبط وفي اللحظة دي جه منصور وقال لعمر أنا مبسوط إنك قلت اسمي في المؤتمر اللي فات بس المرة الجاية تقول عم منصور مش منصور كده على طول وبعدين قال له عقاباً ليك أنا بعزل وانت لازم تيجي بنفسك تشيل معايا العفش سلام ومشي
عمر بعد كده راح لرولا اللي كانت خلاص عرفت من نور إن عمر فعلاً أبوها وكانت متضايقة جداً وقالت للبنت أنا آسفة حاولت أكذب بس ما قدرتش بس هتعلم يعني من الموقف ده وعرفت إن عليها مسؤولية كبيرة رولا قالت لعمر ربنا يعينك بقى على تربيتها وقامت وسابته ياخد البنت ويمشي
وفي الطريق وهو راجع بالعربية أسامة كلمه في التليفون وقال له لازم تخلص صفقة سعد أمين بسرعة علشان الزمالك داخل يضمه هو كمان وبنشوف أسامة داخل البيت بيزعق في مراته وبيتعصب وبعدها الباب خبط فتحه لقى القهوجي اللي بيجي له دايماً واقف ومعاه أولاده أسامة ضحك وقال له إيه ده الهجرة غير الشرعية بقت بالعكس ولا إيه ده أنتو رجعتوا مصر؟ الراجل قال له وحشتني وجايب لك هدية علبة زبادي باللوتس بس أول ما دخلوا عليه هجموا وضربوه علقة سخنة
المشهد يرجع للنادي تاني عمر قاعد مع شريف وكمال اللي بيقول له إن في حد سرب خبر إن النادي عايز يضم سعد أمين والزمالك سبقهم ومضى معاه وقال له أنا شاكك في صاحبك صيام إنه هو اللي بيطلع الأخبار دي برا عمر سمع صوت عالي بره وخرج يشوف لقى منصور واقف مشغل موبايله على آخره وبيقول له بعد بكرة الساعة تسعة الصبح تيجيلي بالعفش وبكامل قوتك يا رئيس وراح عمر تاني جوه وقال لشريف أول ما صيام يوصل من المطار ييجي النادي على طول لأن عندنا مواعيد مع وكلاء ولاعبين ولازم نخلص بسرعة
وبنروح معاهم للوكلاء أول وكيل اسمه نادر قال لهم بصراحة الناس كلها عارفة إن الخزنة عندكم فاضية وأنا مش هقدر أساعدكم شريف قال له شكلك بتصدق التلفزيون أكتر من الواقع لكن نادر رفض تماماً وبعد كده لفوا على كذا وكيل وكلهم نفس الرد لأ لأ لأ لحد ما فقدوا الأمل
وبعد فترة رجع عمر للنادي مع شريف وبيحاولوا يتواصلوا مع صيام اللي مش بيرد فشريف قال له يمكن في نيجيريا زمانه اتاكل هناك على سبيل الهزار وفجأة دخل أسامة وهو رابط دراعه فسأله شريف مالك قاله دي خناقة بسيطة مع جمهور المنافس لكن عمر قال له أنا عارف مين اللي عمل فيك كده قاله أسامة لا ما تظلمش الناس المهم عملتوا إيه؟ شريف قال له مضينا تلات لاعيبة كيشو ومحمود زهران وعبود قال له أسامة طب والباقيين؟ قال له ولا واحد وافق يمضي
سأله أسامة طب ورامي؟ قال له شريف جاي في الطريق وبعد شوية دخل رامي بنفسه وهو اللي كان اتخانق قبل كده مع عمر وصيام قدام النادي وقال لهم سمعت إن العقد فيه تعديل جديد عمر حاول يهدي الموقف وقال له خلافاتنا حاجة ومصلحة النادي حاجة تانية وأسامة دخل في الكلام وقال له لو مضيت معانا دلوقتي الناس ممكن تعتبرك بطل الجماهير لكن رامي قال بثقة أنا أصلاً أحسن لاعب في مصر أسامة بص لعمر وقال له هو بيكلمنا ولا بيكلم في السماعة؟ ورامي قال أنا هاخد ست أضعاف اللي كنت باخده عمر قال له النادي مديون يا ابني لكن أسامة اتعصب وقال له حتى لو مش مديون أنا مش موافق إنت نسيت نفسك ولا إيه؟ فقال له رامي ده أنا غلطان إني بكلم مدرس ألعاب زيك والاشتباك زاد شوية لكن أسامة مشي وقال لشريف الواد ده لو مضينا معاه أول ما تجيله صفقة تانية هيخلع ويمشي
بعدها شريف قال لأسامة طيب هنعمل إيه في مدير الكورة؟ قال له أسامة عندي واحد شخصيته قوية وهيفيدنا جامد في الشغل وفعلاً بنشوف أسامة قاعد على القهوة بيكسب وبيخسر في رهان ومعاه شلة أصحابه خسر فلوس كتير وقال لهم ما معيش فلوس دلوقتي لكنهم أصروا يضربوه وفجأة واحد غريب دخل دافع عنه وقال محدش يقرب له خالص والكل خاف أسامة شكره وقال له أنت ليه وقفت جنبي كده؟ قال له الراجل أنا صعبت عليا وبعدين ده الراجل دخل الجنة في كلب فضحكوا الاتنين وعرفنا إن اسمه سعيد كابوزيا
نرجع للحاضر وشريف بيقول لأسامة أهم حاجة إن مدير الكورة اللي تختاره يكون شخصيته قوية جداً وأسامة طمنه وقال له متقلقش ده راجل صلب أما في نيجيريا فصيام كان في موقف صعب جداً بيحاول يدور على اللاعب صمويل أرونا وبيشوف شوية ناس بتلعب كورة وراح يكلمهم لكنهم خدوه على جنب وقال له واحد منهم لو جبت جول من عشرين ضربة جزاء هتعيش لو ما جبتش هنخلص عليك وصيام كان بيحاول يضحك ويمثل إنه متفائل وبدأ يلعب واحدة ورا التانية والجوكر بيصد كل الكور لحد آخر واحدة رماها في المقص وبرضه اتصد فواحد منهم رفع عليه السلاح لكن فجأة طلع راجل كبير شكله زعيمهم وأنقذه وقال لهم سيبوه ده ضيف عندنا وبعدين اعتذر لصيام وقال له أنت كنت شجاع وأنا هساعدك وخد منه وعد إنه هيجيب له اللاعب صمويل أرونا وكمان الحارس اللي صد كل الكور وبعت رسالة لأسامة يبشره إنه جايب معاه اتنين نيجيريين مش واحد
وفي الوقت ده عمر كان في بيت منصور بيساعده فعلاً في نقل العفش وبيشيل بإيده وبيحاول يلهي نفسه في أي حاجة وبعد كده رجع النادي ولما وصل صيام ومعاه الاتنين النيجيريين عمر اتبسط وقال له خلصتهم بكام؟ قال له صيام مش هتصدق بمليون جنيه بس وعلى تلات سنين يعني بالتقسيط عمر ضحك وقال له ده تمن عربية سيراتو مستعملة يا راجل
دخل كمال في الوقت ده وكان صيام وعمر فخورين بالصفقة لكن كمال سخر وقال له هو أنت ما تعرفش إن لائحة الدوري بتمنع تسجيل حارس مرمى أجنبي؟ عمر اتصدم وقال لصيام الولد ده هيرجع حالاً لكن صيام قال له لأ مش هينفع ده فيه شرط جزائي عشرة مليون جنيه عمر اتعصب وقال له اعتبرهم تمن عشر عربيات سيراتو وخرجه بره وقال له شوف له أي مكان يلعب فيه حتى باك شمال بس أنا مش هدفع الشرط الجزائي
وفي آخر مشهد بييجوا يقابلوا مدير الكورة الجديد وبيلاقوه واقف برا بيتصرف تصرف غريب جداً فـعمر قال له الحاجات دي تتعمل في الحمام مش هنا وصيام قال للأمن يشيل الزبالة دي يرموها بره الراجل اتعصب جداً وقال ما يشوفش الزبالة غير اللي رماها واللي رماها هو اللي يلمها ولف واداله بونية قوية في وشه وقع بعدها على طول وتنتهي الحلقة على المشهد ده وتسيبنا متشوقين نعرف إيه اللي هيحصل بعد كده
