للمشاهدة والتحميل اضغط هنا
قصة فيلم الناصر صلاح الدين
فيلم الناصر صلاح الدين: لما صلاح الدين سمع وهو في مصر إن المسلمين في بيت المقدس في ورطة، ما استناش كتير، وقرر يتحرك فورًا عشان يلّم الناس ويوحد الصفوف وينقذ المدينة. وأثناء ما هو بيجهز، حصلت مصيبة تانية: قوافل الحجاج اتعرضت لهجوم من الفرنجة بقيادة رينو (أرناط)، وكان وسط القوافل دي بنت عمة صلاح الدين شخصيًا.
وقتها ما كانش فيه قدامه غير إنه يطلع يواجههم. جمع جيشه وراح يقابل الفرنجة وجه لوجه في معركة حطين، واللي تعتبر لحد النهاردة من أهم وأشهر المعارك في التاريخ الإسلامي كله. قدر صلاح الدين يدمر جيشهم وحرر القدس، وفي الآخر خلص على رينو بإيده، ودي كانت نهاية الحملة الصليبية التانية خلاص.
بس الموضوع ما خلصش هنا، مرات رينو اللي اسمها فيرجينيا، رجعت أوروبا واستغاثت بريتشارد قلب الأسد وفيليب أغسطس. الاتنين اتحمسوا ونظموا حملة جديدة، وجُم عن طريق البحر واحتلوا عكا بعد معركة كبيرة. صلاح الدين حاول يعمل هدنة معاهم ويتفقوا، لكن ماوصلوش لحل وكملوا الهجوم لحد ما استولوا على عسقلان كمان.
ورغم كده، صلاح الدين فضل ثابت، جمع قواته من تاني وصدّ هجومهم في معركة كبيرة تانية وحقق انتصار تاني. بعدها بدأت المؤامرات والدسائس وسط الفرنجة نفسهم، لحد ما اضطر فيليب وكونراد يرجعوا بلدهم، وفضل ريتشارد قلب الأسد لوحده في المعركة.
صلاح الدين كان مجهز مفاجأة، اخترع سلاح كده قدّر بيه يهدم بيه أبراج الحصار اللي عملوها عند سور القدس. وفي النص كمان آرثر خان ريتشارد وقتل فيرجينيا، ولما ريتشارد عرف بالخيانة، اضطر يرجع بلده بعد ما مضى معاهدة مع صلاح الدين، اللي وقف وقتها بيشكر ربنا على النصر الكبير ده. ودي كده كانت نهاية الحملة الصليبية التالتة.
وفي وسط كل ده كان فيه قصة حب مختلفة شوية. القائد عيسى العوام قابل الصليبية لويزا بالصدفة وهو ماشي، وشافها وهي بتستحمى، وبعد ما استنى عليها لحد ما لبست، حاول ياخدها أسيرة على اعتبار إنها من الأعداء، لكن هي ضربته بسهم وهربت. بعدها الدنيا لفت بيهم، وأنقذته مرتين من الموت، وده قرّبهم من بعض أكتر، لحد ما قررت في الآخر تسيب كل حاجة وراها، وتبقى ممرضة معاه في المعسكر بتاعه، واتجوزوا وقرروا يعيشوا سوا في القدس.
ابطال فيلم الناصر صلاح الدين
أحمد مظهر شخصية القائد صلاح الدين الأيوبي، وشاركه البطولة نادية لطفي في دور لويزا، وصلاح ذو الفقار بدور عيسى العوام، وليلى فوزي بدور فيرجينيا، وحمدي غيث بدور ريتشارد قلب الأسد، وليلى طاهر بدور زوجة ريتشارد، وعمر الحريري في دور فيليب أغسطس، وحسين رياض بدور عيسى هيكاري، ومحمود المليجي في دور كونراد دي مونتيفرات، وزكي طليمات بدور الدوق أرثر، وتوفيق الدقن بدور والي عكا، ومحمد حمدي بدور العادل، ومحمد سلطان بدور حسام الدين، ومحمد عبدالجواد بدور ملك القدس الصليبي، وسامي لطفي بدور إسماعيل، وإبراهيم عمارة في دور القاضي الفاضل، وأحمد لوكسر بدور رينو دي شاتيون، وصلاح نظمي بدور القائد الصارم، وبدر نوفل بدور الدمشقي، وإحسان شريف بدور راعية الكنيسة، وعبدالعظيم كامل بدور أسير صليبي، ونجيب عبده بدور ممثل الحبر الأعظم، وكنعان وصفي في دور مساعد رينو، وناهد صبري بدور الراقصة المسيحية، وسامية محسن، وزكي إبراهيم بدور رجل عجوز. أخرج الفيلم يوسف شاهين، وعاونه في الإخراج كل من سمير نصري، ومحمد عبدالجواد، وفكري رمزي، أما ملاحظ الحوار فكان محمد عمارة.
افلام مصرية
